தேடுகிறேன் (என்னுள்ளே)

உணர்வுகளை வெளிப்படுத்தும் இடம் - ஓர் உறவு

ஈரைந்து மாதம் சுமந்தவளிடம்

இதயத்தில் உள்ள யாவையும் சொல்வதரிது

தகப்பன் சாமியிடம்

வேண்டுவதிலேயே செல்லும் நேரம்

சகோக்களிடம் சகஜமாய் பேச

கோடொன்று உள்ளது

உறவினர் இவர்

வடை பிடுங்கும் நரிகள்

நட்பு காதலை தேடும்

காதல் நட்பை தேடும்

இவ்விரு தண்டவாளத்தில் இடையில்

உயிர் பிழைப்பது எளிதல்ல

வேறெந்த உறவு அது

உணர்வுகளை பகிர

கண்ணீரை காய வைக்க

உற்சாகத்தை மேலும் அதிகரிக்க

தோள் தட்டி தூக்கிவிடும்

அந்த உறவு எந்த உறவு?? தேடுகிறேன் (என்னுள்ளே)